Work

Vivent en paix tous loyaux amoureux
Loingz de souci, de deuil et desplaisance
Prenans d’amours la plaine jouissance
Maulgrez qu’en aient tous ces faulx envieulx
Vivent en paix etc.

Plaisist a dieu qui est regnant aux cieulx
Que tous jaloux de tel mal et meschance
Fussent captis et livrez en souffrance
Par vraus aimans qui ont le cueur joyeulx
Vivent en paix etc.

Fi de tresor qui n’a le cueur joyeulx
Car doulx espoir vault troup mieux que cheuance
Riche est assez cellui qu’a suffisance
En tous endroitz ne scauroit avoir mieulx
Vivent en paix etc.

Dame Venus royne des amoureulx
Je vous requiers que veuillez estre aidante
A tous aimans qui de pensee fervante
Veullent aimer de cueur gai et joyeulx
Vivent en paix etc.