Œuvre

Je sentz en moy une flamme nouvelle,
Qui me penetre au plus profond des oz,
Qui comme Ethna, jour, et nuict estincelle:
Jurer je puis qu’onques n’en vis la telle,
Et à me plaindre il n’y auroit propos,
En mon travail je cherche mon repos,
Comme Salmandre en mon feu ayant aise:
Mais si tu veulx que mon tourment s’appaise,
Prenant pitié de me voir en martyre:
Seule le peulx: mon heur, et mon mesaise
Sont en tes mains, et n’y puis contredire.