Œuvre

Benedictus Dominus Deus Israël : quia visitavit et fecit redemptionem plebis suæ.
Et erexit cornu salutis nobis : in domo David pueri sui.

Sicut locutus est per os sanctorum, qui à seculo sunt prophetarum ejus.
Salutem ex inimicis nostris, et de manu omnium qui oderunt nos.
Ad faciendam misericordiam cum patribus nostris, et memorari testamoni sui sancti.
Jusjurandum quod juravit ad Abraham patrem nostrum, daturum se nobis.
Ut sine timore de manu inimicorum nostrorum liberati serviamus illi.
In sanctitate et justitia coram ipso, omnibus diebus nostris.
Et tu puer, propheta altissimi vocaberis : præibis enim ante faciem Domini parare vias ejus.
Ad dandam scientiam salutis plebi ejus, in remissionem peccatorum eorum.
Per viscera misericordiæ Dei nostri : in quibus visitavit nos oriens ex alto.
Illuminare his qui in tenebris et in umbra mortis sedent : ad dirigendos pedes nostros in viam pacis.
Gloria patri in filio : et Spiritui sancto.
Sicut erat in principio, et nunc, et semper : et in secula seculorum. Amen.