Œuvre

I
O Belle Galathée ensemble et fiere et belle !
Las pourquoy m’estes vous à si grand tort cruelle !
Pourquoy me tuez vous ? ne vaudroit il pas mieux
Me tuer de cent mortz qui viennent de voz yeux ?
Assiz au-pres de vous que languir en servage
Banny de votreamour au bord de ce Rivage.
II
Voz yeux dedens les miens ont versé tant d’amour
Que pour vous je soupire, et de nuict et de jour
Et tant me sens perdu d’une ardeur incurable,
Que mon tropeau tout seul s’en retourne à l’estable.
III
Si vous m’aviez congnu, honteuse vous seriez,
De tant me refuser, et seullette viendriez
Me voir jusques chez moy, pour avoir jouissance,
De tant de riches biens qui sont en ma puissance :
Sus donc venez me voir, ne vueillez destourner
Voz yeux du beau present que je veux vous donner.