Work

Qui voit alors que les vents,
Du printemps,
Emaillent la terre nuë
L’hyver faché de partir
Espartir,
En l’air la gresle menuë,

Il voit l’amour gracieux
De ses feuz
Qui brusle une ame gentille
Que le discord pour brouiller
Va mesler,
De faux rapport inutille.

Mais ne soupson ne raport,
Ne discord,
Au traict empenné de rage
Pour les assaux qu’ilz feront
Ne vaincront,
Un cœur de brave courage

Non plus quand on voit les ventz
Du printems,
Emaillet la terre nüe
L’hyver faché de partir
N’espartir,
Tousjours la gresle menüe.