Work

O Jupiter la Paix ! O Jupiter la Guerre
Ce nouvel an repos : Bataille c’est an cy
[–] Quel murmure la bas vient m’exciter icy ?
[–] Le discord des humains desvoyez sur la terre.

Le calme soit au Roy. Au Roy soit le tonerre.
Pour foudroyer ça bas qui le travaille ainsi.
[–] Cesse mon peuple, appren. que j’ay des Roys soucy.
Et que le cœur des grandz dedans ma main j’enserre.

Je puny, je d’effen, je suis austere, et doux.
[–] Las ! Pere c’est an cy ayez pitié de nous :
[–] Je puny qui m’oublye, et deffendz ma querelle :

Congnoy donc mon pouvoir, et au nom de ton Roy
Qui me suit, et me craint : Ce nouvel an pour toy,
Pour les grandz, et pour luy, feray chose nouvelle.