Robert Garnier

Biography

ROBERT GARNIER, natif de la ville de la Ferté-Bernard au maine, premierement Conseiller du Roy, au siege presidial & Seneschaussee du Maine, & du jourd'huy Lieutenant general criminel audit siege. La renommee qu'il s'est aquise par ses doctes escrits & compositions Françoises, & sur tout par ses Tragedies si bien receües des plus sçavans, ne me permet de reciter icy quelque chose de ses perfections en ce genre d'escrire: Toutesfois je diray de luy, ce que peut-estre tous n'ont pas cogneu aussi bien que moy, c'est que outre la perfection qu'il a de composer en toutes sortes de vers, il a encores ce rare & excellent don d'orateur, qui est une chose for peu commune, de voir un bon Poëte & excellent Orateur tout ensemble: mais il a tellement les deux perfections jointes en un, qu'il est mal aisé de discerner auquel genre d'escrire il excelle le plus: ce que je peux tesmoigner pour la suffisante preuve qu'il en a faite devant les majestez des Rois de France, devant lesquelles il a prononcé des harangues si doctes, que celà l'a rendu tant aimé d'elles, qu'ils ont desiré l'attirer de plus pres à leur service: mais l'amour de sa patrie l'a retenu, & s'en est excusé de telle façon, que son refuz n'a esté estimé autre, qu'un desir de ne vouloir faire eschange de sa liberté accoustumee, pour s'assubjectir à des charges trop penibles & pesantes, telles que sont toutes celles de la cour & suite des Princes. Mais pour venir à parler des compositions dudit sieur Garnier, voicy ce que j'en ay peu voir. Les poësies qu'il fist imprimer à Tolose (lors qu'il faisoit profession des loix en ladite Université) pour lesquelles il obtint l'une des fleurs que lon adjuge aux plus sçavants compositeurs, sçavoir est l'Aiglantine, dequoy je feray plus ample mention autre-part, quand je feray le recit de tous ceux qui ont emporté le pris aux jeux floraux de Tolose, instituez par madame Clemence Isaure l'an 1270. ou environ. L'hymne de la Monarchie, imprimee à Paris chez Gabriel Buon l'an 1567. Porcie, Tragedie Françoise, representant la cruelle & sanglante saison des guerres civiles de Rome &c. imprimee à Paris chez Robert Estienne l'an 1568. pour la premiere fois. Hipolite, imprimee chez le susdit l'an 1573. Marc Antoine, imprimee l'an 1578. Cornelie, imprimee l'an 1574. La Troade, ou la prise & destruction de Troye, imprimee chez Patisson l'an 1579. Antigone ou la pieté, & debonnaireté, imprimee chez Robert Estienne l'an 1580. C'est une invention de Stace, en sa Thebaide. Bradamant tragicomedie Françoise, escrite à l'imitation du Roland furieux d'Arioste, imprimee à Paris chez Mamert Patisson l'an 1582. La Sedechie, ou les Juifves, imprimee à Paris chez Mamert Patisson l'an 1583. Toutes les susdites Tragedies Françoises, ont esté reduites en un volume, & imprimees à Paris chez Mamert Patisson à diverses annees. Il a escrit plusieurs for beaux & tres-doctes Sonnets, sur les amours de Martie, non encores imprimez. J'ay opinion que c'estoit en faveur de Madame sa femme, nommee Françoise Hubert, de laquelle nous avons fait mention cy dessus au fueillet 100. Il florist au Mans cette annee 1584. (La Croix du Maine 1584, BibFr BVH).

Information

  • Roles

    Lyricist-Poet
    Playwright

  • Gender

    Male

Events

(YYYY-MM-DD)

No event.

Associated sung texts

3 in database

Texts

Combien roullent ilz d’accidens

Musical settings

Combien roullent ilz d'accidens

Guillaume Costeley

Heureux qui d’un soc laboureur

Heureux qui d'un soc laboureur

Guillaume Costeley

Il n’est trespas plus glorieux

Il n'est trespas plus glorieux

Guillaume Costeley

Variant names

No variant.

Associated people

No associated person.

Bibliography

[BibFr BVH]

S. d., Bibliotheques françoises / Bibliothèques virtuelles humanistes (BVH), Les « Bibliotheques françoises » de François Grudé, sieur de La Croix du Maine (Paris, 1584) et d’Antoine Du Verdier, sieur de Vauprivas (Lyon, 1585) https://bibfr.bvh.univ-tours.fr/bibfr/a-propos/presentation (consulté le 24 mai 2025).

[La Croix du Maine 1584]

La Croix du Maine, F. G., 1584, Premier volume de la Bibliothèque du sieur de La Croix Du Maine, qui est un catalogue général de toutes sortes d’autheurs qui ont escrit en françois depuis cinq cents ans et plus jusques à ce jour d’huy, Paris http://gallica.bnf.fr/ark:/12148/bpt6k125590p (consulté le 31 juillet 2025).

Projects

No project.

Contributors

No information.

Data collectors

David Fiala

Share

Permalink
Copied!

https://ricercardatalab.cesr.univ-tours.fr/people/5675/

Citation
Copied!

Robert Garnier, in RicercarDataLab [https://ricercardatalab.cesr.univ-tours.fr/people/5675/] (accessed 29 January 2026).

Last modification: Jan. 19, 2026